Одлуки, избор на вредности, начин на живот. Патот не е само каде одиш. Патот е каков човек стануваш додека одиш.
Секоја цивилизација се обидувала да одговори на ова прашање: Како треба да живее човекот? Рим го барал патот на разумот, Византија – патот на душата, Јапонија – патот на честа, Европа – патот на моќта.
Овие патишта не се исти – некогаш се дополнуваат, некогаш се судираат. Еден пат те учи да владееш со себе, друг – да се искачуваш кон Бога, трет – да живееш со чест, четврт – да ја разбереш моќта и светот.
Но, кој од овие патишта е твојот пат?! Не оној што звучи најмоќно, туку оној што те води кон човекот што сакаш да станеш. Затоа, пред да избереш пат, мораш да знаеш според што избираш. Според страв? Корист? Чест? Вера? Мудрост?
Можеби некои патишта се дополнуваат, можеби некои се противречни, но секој ти го поставува истото прашање: што сакаш да бидеш на крајот?
„Зашто, каде што е богатството твое, таму ќе биде и срцето твое.“ (Мт. 6, 21)
Значи, твојот пат не го избираат секојдневието и настаните, туку начинот на кој реагираш на нив – според вредностите што си ги избрал.
Затоа, избравме четири книги што го ставаат човекот пред четири големи избори. Четири големи цивилизациски патокази за одлуките, вредностите и животниот пат:
„Она што ти пречи на патот не мора да те запре. Може да стане токму патот по кој ќе продолжиш“ – „Медитации“, Марко Аврелиј.
„Не се разочарувај ако паѓаш секој ден. Не се откажувај, туку стој цврсто“ – „Лествица“, Св. Јован Лествичник.
„Патот на самурајот е почит, чесност, храброст, искреност, лојалност и добронамерност“ – „Хагакуре“, Јамамото Цунетомо.
„Владетелот треба да биде лисица за да ги избегне стапиците и лав за да ги исплаши волците“ – „Владетелот“, Николо Макијавели.
