Нашата Православна теологија ја гледа тајната на Црквата главно како тајна на Богочовечка заедница во Христа. Познатите новозаветни претстави за Црквата како Тело Христово, лозје, брак, го откриваат општествениот карактер на Црквата.
Црквата пред се е “заедница на Свети” што извира од заедницата на трите Личности на Пресвета Троица. Животот и единството на трите Божествени личности се принесува во светот преку Црквата, та сите луѓе да можат да учествуваат во нив.
рквата како Богочовечка заедница го спасува човекот, затоа што во нејзиниот простор преку Христа ја наоѓа изгубената од прародителскиот грев можност за соединување со Него и со Неговите чеда во едно единство коешто не му ја одзема личноста, ниту го собира на еден глобалистички и колекти- вистички начин, затоа што тоа единство е според образот на единството на Света Троица (Еден Бог во три различни личности).
