ЖИТИЕ НА СВЕТИ КЛИМЕНТ - Партениј Зографски

Партениј Зографски (Галичник, 1818 - Цариград, 7 февруари 1876) бил првиот македонски учебникар, филолог, фолклорист и значаен културен и црковен работник од XIX век во Македонија. Роден како Павле Тризловски, првото образование го стекнал во манастирот „Св. Јован Бигорски”, а во 1836 г. бил ученик на Димитар Миладинов во Охрид. Во 1842 година замонашен е во Манастирот Зограф на Света Гора, добивајќи го името Партениј и презимето Зографски. По завршувањето на студиите во Духовната академија во Москва, бил поставен за епископ на Полјанската епархија од цариградскиот патријарх.

Кога станал епископ, Партениј Зографски го вовел црковнословенскиот јазик во богослужбата, отворал народни училишта и го поддржал развојот на македонскиот јазик. Неговото делување предизвикало реакции од грчките власти, кои го обвинувале за антипатријаршиска дејност и забрана на грчкиот јазик во црквите и училиштата.

Во 1861 година, бил обвинет за антипатријаршиска дејност, но по истрагата се утврдило дека не е виновен. Иако не му било дозволено веднаш да се врати во својата епархија, во септември 1867 година му било понудено митрополитско место во Нишавската епархија. Во 1868 година се приклучил на бугарскиот црковен клир и работел како егзархиски митрополит во Пирот до 1874 година. Потоа се преселил во Цариград и работел во централата на егзархијата.

Партениј Зографски се упокои во Цариград на 19-20 февруари 1876 година. Неговиот гроб се наоѓа во дворот на бугарската православна црква на Св. Стефан. Автор е на важни дела кои поставиле темели на граматиката на македонскиот јазик и бил полиглот со знаења на повеќе јазици. Работел како учител, професор и духовник, а неговото име е запаметено и во манастирот во Стар Дојран, кој носи неговото име. Македонската православна црква го почитува како светител.